Пирĕн лавккара туяннă тавара сирĕн пата çитерме эпир çак мелсемпе усă куратпăр:

1. Почтăпа

Укçана малтан тӳлесен сире 120 тенкĕ кирлĕ пулĕ.

Каярах тӳлесен («наложенный платежпа» усă курсан), паллах, хаклăрах — 200 тенке ларĕ. Хушма 80 тенкĕ шутне укçана саппас уйăрни те почта пухакан 4% та кĕреççĕ.

Асăрхăр: хăш-пĕр чухне почта тăкакĕсем пысăкрах та пулма пултараççĕ (сăмахран, пысăк посылкăсене ямалли тӳлев 350 тенке çитме пултарать) пулин те ытлашшине сирĕн тӳлеме тивмĕ — сирĕншĕн хак çавăн пекех 120 е 200 тенке ларĕ.

2. Киле çитересси

Кил таран эпир Шупашкарпа Çĕнĕ Шупашкар хулисене тата вĕсемпе çывăх районсене çитерсе пама пултаратпăр.

Хаксем:

Шупашкар — 50 тенкĕ

Çĕнĕ Шупашкар — 100 тенкĕ

Шупашкара çывăх районсем — 150 тенкĕ (Шупашкар, Муркаш, Сĕнтĕрвăрри, Красноармейски, Çĕрпӳ районĕсем)

Тавара çитерме пултаракан служба хамăрăн пулманран эпир халăх çӳрекен транспортпа усă куратпăр. Хакĕсем те çул тăкакĕсемпе çыхăннă.

3. Тавара килсе илесси

Хальлĕхе ку майпа тавара илме май çук, анчах та хăçан та пулин эпир ăна тăватпарах. Ку майпа усă курсан тавара çитересси сирĕншĕн тӳлевсĕр пулĕ.

Пĕлме

Тавара ытларах туянсан ăна çитерме тăкакланă укçан шайĕ кашни тавар шутĕнче сахалтарах пулĕ.